بداية جديــــــدة...

كل واحد فينا عايزله بداية....

بداية تغنيه عن كل حاجة ....
بداية للسعادة في الدنيا ...
والراحة في الآخرة ....

عايزن نستقبل رمضان وأحنا نفوسنا صافية....

نعمل خير ...

نتقي الله في اللي أحنا بنعمله ....

نخاف ربنا....


يعني فيه ناس هتسألني ... يعني إحنا مش بنخاف ربنا ؟؟؟؟!!!!!
أقولهم لا أبدا والله ... بس نتقي الله في اعمالنا ونحط ربنا قدامنا ...
لو العمل ده بيرضي ربنا نعمله ....
ولو ميرضيش ربنا ... يبقي خلاص .... نبعد عنه ....
وربنا أكيد هيعوضنا خير ....


خلاص ...
نتفق من النهارده أننا نبدأ بداية جديدة ...
أننا نبتدي حياة جديدة ...

أهلا أهلا شهر القرآن ....

مش باقي غير أيام قليلة نستهل فيها هلال شهر رمضان الكريم ....

عندي ذنوب كتير ..... وأرجو من الله أن يغفرها لي في الشهر الكريم ...
وأستغل بذلك ..... شهر رمضـــــــان الكريم....

فالله- عز وجلَّ- قال في وصف الشهر الجليل " شَهْرُ رَمَضَانَ الَّذِي أُنْزِلَ فِيهِ الْقُرْآنُ"
أي أن الله عز وجل عندما ذكر الشهر الجليل لم يقل شهر الصيام .... ولا شهر الغفران ....
بل قال ... " شَهْرُ رَمَضَانَ الَّذِي أُنْزِلَ فِيهِ الْقُرْآنُ"... أي أنه مستحب قراءة القرآن فيه ....
طيب معني ده أننا مش بنقرا قرآن في غيره؟؟؟!!!!!
لا سمح الله .... بس أحنا المفروض نقرأه زياده عن باقي الأشهر ...

والرسول ( صلى الله عليه وسلم ) قال:" من صام رمضان إيماناً واحتساباً غفر له ما تقدم من ذنبه" ...

ياااااااااااااااااه...... فرصة جامدة ...

نستغلها بقي ...

شدُّوا الهمم ....
جهِّزوا حالكم ....
استعينوا بالله .....

وإن شاء الله ربنا يكتبنا من عتقائه في الشهر الكريم ...

لنحيي ما قد سلف ...

السلام عليكم ورحمة الله وبركاته

انفصلنا عنكم لكثيرمن الوقت
لانشغالنا بدراستنا وامور الحياة الأخرى ॥
عدنا بثوب جديد ॥
بنفس أفكار الأمس البعيد ॥
لنحيي ما قد سلف من مبادئ وقيم نرى أنها قد اندثرت في ظلمات الحياة في تلك الأيام ,,
نعيد ذكريات أمجادنا,,
وتراثنا العربي الأصيل ...

إن كنتم ممن يهفو لمجتمع عربي على خطى الحبيب ...
فكونوا أول ركَّاب سفينتنا ...

تيجوا مع بعض كده نشوف الدعاه الشباب رأيهم ايه

في حدود العلاقة بين الجنسين

حلقة خاصة للداعيه الشاب معز مسعود بعنوان
(حدود العلاقه بين الولد والبنت)

لينك الفيديو
http://www.4shared.com/account/file/33480543/bed2c089/09-El-tarikal-sa7EP09-3laket_wald_we_bent.html

وده لينك الصوتmp3
http://www.4shared.com/account/file/31863230/200dd1ac/09-El-tarikal-sa7EP09-3laket_wald_we_bent.html

ودي كلمات الاغنيه اللي كتبها صديقنا د/زراع ولحنها بنفسه

شباب وبنات بنتقابل,مع بعضنا في وسط الجامعة
وأنا أتكلم كلام عادي,وأنادي في ناس مهيش سامعة
استني لحظه واسمعني,وان كنت مش صح اقنعني
ايدك في ايدها ايه يعني,يا خوفي من الخطوه الجايه
وان كنت مش شايف نفسك,شايف عيون ناس بتحاصرك
وتجيب في سيرتها وسيرتك,يعني انت ترضاها لاختك
سامعاني ولا مش سامعه,شايف في عينك مية دمعة
وان كنتي فعلا مش عامله غلطه,ليه بردو بتبكي
شباب وبنات بنتكلم,مع بعضنا في مليون حته
وطول ما دينا بيعلم,في قلبنا هنبقي الاقوي


وده لينك الاغنيه للتحميل,,,,,,
http://www.2shared.com/file/3816486/c8eb565a/2_online.html

السلام عليكم ورحمة الله وبركاته,,,,,,,,,,,,,

هناك الكثير والكثير ممن تعب في هذا العمل ليكون علي الوجه الاكمل
أفكار عديده قاموا بنشرها ,جهد ملحوظ يجب شكرهم عليه
لنوفيهم حقوقهم

د/اسماء
د/رغده
د/سعيد
د/علياء
د/زراع
د/وليد

جزاهم الله خيرا.........

السلام عليكم ورحمة الله وبركاته,,,,,,,,,,
مبدئيا هنتكلم مع بعض شباب في شباب
انتو عاملين ايه وايه اخبار الدنيا معاكو
ها؟دايخين زيي بالظبط؟
طيب ما احنا هنا بندردش مع بعض
ها؟تحب تدخل معانا غرفة الدردشة؟
طيب قول الباسوورد
عارف هو ايه؟
أقولك
قول لا اله الا الله سيدنا محمد رسول الله
بارك الله فيك
شباب علي نهج الرسول
دي حملة احنا عاملينها تحب تبقي معانا فيها؟
جزاك الله خيرا كنا عارفين انك ايجابي
ما انت من أمة محمد_عليه الصلاة والسلام_
طيب تيجو بقي نفتح موضوع حملتنا
هنبدأ أهه خد بالك
الموضوع ده يمكن من أكتر الموضوعات اللي بتخلينا مش راضيين عن نفسنا
بتخليناعلي طول قلقانين ومش مستريحين نفسيا
أولا كلنا أخوات وفي سن متقارب
فاهمين بعض وعارفين بنحس بايه وايه بيشغل فكرنا
معظم حياتنا في الجامعة
ولاد وبنات بنقضي مع بعض وقت يمكن أكتر من اللي بنقضيه مع أهلنا
يعني أكيد بنخاف علي بعض وبنهتم لأمر بعض
بس للأسف فيه اللي بيحاول يخون الأمانة دي
ولاد وبنات مع بعض ممكن حد فيهم يخون أمانة التاني
احنا اخوات وأحباء في الله بس.........ليه بنضيع المعني الجميل للأخوة في الله؟؟؟؟؟؟؟
ليه بنسيب الامور من غير حدود
بنوصل ان ولد يمد ايده علي بنت,,,,,,,,,أو بنت تستظرف وتهزر مع ولد باديها
يسلموا علي بعض بالايد ويتكلموا في مواضيع ميصحش انها تفتح بين الجنسين
ليه نخن الأمانة اللي أئتمنا عليها؟؟؟؟ليه نرخص نفسنا وربنا أعزها؟؟؟؟؟؟؟؟ليه تخلي نفسك هينه؟؟؟؟؟؟؟؟
مسألتش/مسألتيش نفسك مره بده؟؟؟
فاكر/فاكره نفسك مفيش زيك وعلي الوجه الاخر الكل بيبصلك نظرة احتقار باللي بتعمله/بتعمليه
وانت قولي ترضاها لاختك ,لامك,لواحد قريبتك
ليه حتي واجب الزمالة بينكم ميخلكش تقف وتنصحها؟ليه تنسي
انك هتتحاسب علي اللي انت بتعمله وانت قابض علي ايديها
ويبقي كأنك قابض علي جمرة من نار
اخوانا/اخواتنا.....احنا مش هنضحك علي بعض لان معظمنا شباب جامعات
وعارفين أزاي الموضوع ده منتشر
والله خايفين عليكو لان كلنا في مركب واحده
قولولنا ضميركو انبكو قبل كده؟
ليه منخليش العلاقه بينا جميلة علاقة أخوه طاهرة بدون تعدي علي الحدود؟
ليه نرخص نفسنا ونحطها في مواقف بايخه؟
ليه مفكرناش في ربنا واننا هنرجعله وهيحاسبنا علي كل صغيره وكبيره؟
ليه محبيناش ان احنا لما نرجعله يبقي فرحان بينا؟؟؟؟ليه مفكرناش اننا عايزين الرسول(عليه الصلاة والسلام)يبتسم لنا ويقول
دول امتي وقربوهم عشان يشربو من يدي شربة هنيئة لن نظمأ بعدها أبدا
يا تري ممكن نوصل لكده واحنا تصرفاتنا مترضيش ربنا؟؟؟؟؟؟؟
ليه نضيع رضا ربنا مننا؟؟؟؟؟؟ليه نضيع دنيا واخره
ليه منصبرش وننتظر زوجا صالحا أو زوجة صالحة ونعيش مع بعض حياة كلها بركة
من أولها نبقي مستريحين فيها نفسيا؟؟؟؟؟وكلنا عارفين ان محدش هينول الا نصيبه منها
حبايبنا احنا شباب زيكو وعارفين اد ايه المشاكل النفسية اللي بتسببها المواضيع دي
راعوا انفسكم
راعوا أهلكم
راعوا دينكم
وفوق كل شيئ......... راعوا ربنا
والله انا نحبكم في الله....يلا نمد ايدينا لبعض وتفضل الاخوة في الله بجد
اخواتكم واخواتكم